Nakasalalay ang reputasyon ng buong Comelec bilang isang institusyon sa darating na automated elections. Pero ang sinasabi nila ngayon, aabot ng hanggang 30% ang kabiguan ng automation. 

Ang baba naman ng tingin nila sa atin na hindi nila kayang pangakuan ng 100% na tagumpay ang automation! Huwag naman sanang kasama sa paghahanda sa automation ang plano na hindi ito magtatagumpay. 

Alam nating lahat na mababa ang tiwala ng tao sa kanila since ‘Hello Garci’ scandal kaya ibabagsak pa nila lalo ito kapag pumalpak ang automation. Hindi pa tuluyang nakakabawi ang Comelec sa isyu ng “Hello Garci” scandal kung saan ang kanilang commissioner noong 2004 presidential election na si Virgilio Garcillano ay inakusahang tumulong kay Pangulong Gloria Macapagal-Arroyo para dagdagan ang botong nakuha kaya ito nanalo.

Ang halalan sa Mayo ang magiging batayan kung maka­kabangon ang Comelec mula sa pagkakalugmok sa mga nakaraang halalan dahil sa katiwalian at dayaan. Kapag pumalpak ang automation ngayong Mayo, mawawalan ng trabaho ang mga taga-Comelec pag pumalpak ulit sila dahil ang taumbayan mismo sa tingin ko ang sisisante sa kanila!